ANEMI

Në kuptimin e parë do të thotë mungesë gjaku. Por anemia përcaktohet si ulje e përqindjes së hemoglobinës nën kufirin e poshtëm të normës (120 g ose 7,2 mmol/l tek femrat ose fëmijët, 130 g ose 7,8 mmol/l tek meshkujt dhe 140 g ose 8,4 mmol/l tek të porsalindurit.) Përveç kësaj duhen shikuar edhe eritrocitet për të përcaktuar aneminë. Kemi aneminë:
Aplastike-e cila shkaktohet nga mosprodhimi i qelizave në palcën e kockave.
Ferodeficitare-nga mungesa e sasisë së zakonshme të hekurit.
Hemolitike-e shkaktuar nga hemoliza e theksuar eritrocitare.
Hiperkrome-me indeks të lartë të hemoglobinës.
Hipokrome-me indeks të ulët të hemoglobinës.
Makrocitare -ku eritrocitet kanë madhësi 8-12 mikron diametër.
Megalocitare -ku eritrocitet kanë madhësi mbi 12 mikron diametër.
Mesdhetare -shih talasemia dhe anemia Cooly.
Mikrocitare-ku eritrocitet kanë madhësi nën 6 mikron diametër.
Normocitare-eritrocitet kanë madhësi normale diametër rreth 5 mikron. Ato janë zakonisht të tipit normokrom dhe shkaktohen pas hemorragjive akute.
Pernicioze-e shkaktuar nga mungesa e vitaminës B12.